سياسة الخصوصية.

البيانات اللي بنجمعها

• الحساب: رقم الموبايل والاسم، والإيميل والصورة لو ضفتهم.
• العناوين: العنوان المكتوب اللي بتدخله وتفاصيله ورقم التواصل.
• الطلبات: الأصناف والأسعار والمطاعم وطريقة الدفع وملاحظاتك وحالة الطلب، وطلباتك المفضلة لو حفظتها.
• التقييمات: التقييم والتعليق والصور لو كتبت تقييم.
• تسجيل الدخول والأمان: رمز الدخول (محفوظ بشكل مشوّش مانقدرش نقراه)، ومفتاح يربط الحساب بموبايلك، وعنوان IP لمنع إساءة الاستخدام.
• الطيارين والمطاعم: الاسم والرقم وبيانات الوردية والرحلات أو الطلبات والحسابات المالية، وصور الإيصالات اللي الطيار بيرفعها.

مش بنجمع موقعك الجغرافي، ومش بنستخدم إعلانات أو تتبع إعلاني. الدفع نقدي عند الاستلام أو بتحويل منك، ومش بنحفظ بيانات كروت.

بنستخدمها في إيه

• توصيل طلبك، وإرسال تفاصيله للمطعم والطيار.
• تسجيل الدخول ورسائل الطلب على واتساب.
• خدمة العملاء، ومنع الاحتيال، والحسابات مع المطاعم والطيارين.

مين بيشوفها

• المطعم: أصناف طلبك وملاحظاتك، واسمك لو لزم.
• الطيار: اسمك ورقمك وعنوان التوصيل طول ما طلبك معاه.
• مقدمو الخدمة: Supabase (قاعدة البيانات والاستضافة)، وMeta (رسائل واتساب)، وCloudflare (الموقع ولوحة الإدارة)، وExpo (تحديثات التطبيق).

مش بنبيع بياناتك لحد.

بنحتفظ بيها قد إيه

بنحتفظ ببيانات حسابك طول ما الحساب مفتوح. لما تحذف حسابك بنمسح بياناتك الشخصية خلال ٣٠ يوم، وبنحتفظ بسجلات الطلبات من غير ما تكون مرتبطة باسمك أو رقمك للمدة اللي الحسابات والقانون محتاجينها.

حقوقك

تقدر تطلب نسخة من بياناتك أو تصحيحها أو حذف حسابك في أي وقت عن طريق support@kravie.app.

الأطفال

كرافي مش موجه لأي حد أقل من ١٣ سنة.

التعديلات

لو غيرنا السياسة دي هنحدّث التاريخ اللي فوق.